صفر من عشرة
*احتياطى هيه, احتياطى هيه* - تفتكر حد هياخد الحصة دى و هيروحونا بدرى و لا هيجيبوا تربية عملى؟ = معتقدش لا ده ولا ده, مس ثرية لما بتغيب دايماً بتقول لحد تانى ييجى يشرح مكانها. - يا عم ما دى مش حصة عربى أصلاً, دى sciences. = إيه ده؟ مستر سعيد غاب؟ انا مش مصدق نفسى ! - يا موحا ما هما كانوا قايلين أصلاً إنه هيروح الScience fair فى نص التيرم. = أيوه صح, ده شادى فى 5B كان قايلى إنه رايح. يلا كويس انا مبحبش مستر سعيد ده أصلاً. عمرو انا آسف دخلت فى القصة على طول بس اليوم ده كان ضحك ميتنسيش, بالمناسبة انا عمرو و سامح صاحبى من و إحنا صغيرين, من أيام المدرسة بالتحديد. سامح كان شاطر أوى بس فى نفس الوقت مكانش بيحب يبان معرفش ليه, يعنى مثلاً و إحنا فى المدرسة وقت الScience fair ده لو كان راح كان هيفشخ الواقع لأنه ذكى جداً بس هو يمكن كان بيخاف دايماً إنه يفشل أو مثلاً على المدرسة كان بيخاف من فكرة إنه ميطلعش الأول, هو كان فى العادى بيطلع التانى أو التالت عالدفعة و متأكد إنه كان يقدر يطلع الأول بس هو اللى مكانش عايز, يمكن عشان كان هيفضل دايماً تحت ضغط إنه لازم يطلع الأول. حتى مقاييسه كانت مضحكة, ...