...

انا عايز أعتذر لكل شخص حبنى و كنت فارق معاه و الأهم أنه كان محور من محاور حياتى إنى كسرت قلبكم بس ربنا يعلم انا حاولت قد ايه و فعلا جبت أخرى بس انا مدرك إن الحياة هنا مش مكانى، انا كنت أضعف من إنى أواجهها و وجودكم سهل عليا و عدى أيام كتير صعبة بس هرجع تانى و أقول إن انا تعبت لدرجة إنى مش قادر أواجه يوم زيادة هنا.

أول حد نفسى أعتذرله هو ربنا، انا عارف إنك كنت مستنى منى أحسن من كده بس انت عارف إنى فعلا جبت أخرى، انا لما أخدت القرار ده فده عشان الحياة كانت بتبعدنى عنك و انا نفسى مفيش حاجة تفصلنى عن إنى أفهمك و أعرفك و أحبك.

تانى حد نفسى أعتذرله هى ماما و نفسى متتوجعيش و تتبسطيلى عشان انا فعلا ارتحت و أكيد هنتقابل تانى قريب بس متستعجليش عشان انتى ليكى دور مهم هنا و عايزك تعرفى إنك عمرك ما قصرتى فى حقى بالعكس انتى أعظم أم، انا كنت بفتخر بيكى فى وسط الناس قد ايه انتى شاطرة و ناجحة و متفهمة و عرفتى تربينا كويس و تحبينا و الأهم من كل ده إنك عرفتى توصلينا لربنا و دى أعظم حاجة ممكن أى حد يعملها لولاده.

تالت حد صديقتى المفضلة و حبيبتى ساندى، انتى عملتى معايا أكتر من ما أستاهل بكتير، انا فعلا مهما حاولت أوصفلك انا بحبك قد ايه مش هديكى حقك، انتى أجمل بنت فى الدنيا.

انتى تستاهلى كل حاجة حلوة و تستاهلى تكونى مبسوطة دايما لأن انتى كنتى مصدر حاجات حلوة كتير بالنسبالى.

رابع حد بابا، انت فعلا أب عظيم، كان نفسى أسمع منك إنك بتحبنى بس حتى لو مقولتهاش فانا كنت لامس حبك من خلال كل حاجة بتعملها عشاننا، كان نفسى أشبع منك بس، انا بحبك جدا.

سادس حد خالو و مودى، انتوا الاتنين بالنسبالى حتة من جدو و جدو كان أكتر حد بحبه فى الحياة فنفسى تعرفوا إنى بحبكم جدا، باختلاف شخصياتنا كنت بحس إننا شبه بعض فى حتة الألم و أتمنى إن رجائكم فى ربنا يبقى أقوى من عاصفة الحياة.

سابع حد فريدى و ميرا و سارة، انا اخدت منكم حب و اتبسطت كتير بسببكم و كان ليكم تأثير كبير فى علاقتى بربنا.

انا ممتن جدا لوجودكم و مكانكم فى قلبى مينفعش حد ياخده.

تاسع حد مارينا بطرس، انتى فعلا شخصية حقيقية و ملهمة و نفسى إنك تكملى بأى حاجة بتعمليها تخلقى فى الناس حياة.

آخر حد انا آسفله هو نفسى عشان معرفتش أحبها و عشان معرفتش أغلب الشر اللى فيها، كان نفسى أكون أقوى من كده و مكنش نفسى أوجع حد بس انا خرابة بطبيعتى.

أتمنى إنكوا تتبسطولى إنى إرتحت و متشيلوش نفسكم هم مش همكم.

انا حقيقى حبيتكم و أكيد هنتقابل قريب.