The Gray Mirror By Nader Osama

 من يومين ابتديت أطلع أسرار محدش يعرفها عنى و قصص حصلت فعلا و يمكن كتبت عن الكلام اللى هكتب عنه دلوقتى قبل كده بس كان طشاش من غير التفاصيل المؤلمة و الأحداث اللى حصلت على أرض الواقع. قبل ما أحكى القصة نفسها محتاج أحكى تفاصيل بسيطة عن شكل جيشى، انا كنت فى كتيبة مشاة على أطراف سيوة و قبل ما نوصل الكتيبة بشهرين تقريبا حصل تغيير من قيادة المنطقة و الكتيبة اتنقلت بالكامل من كونها جزء من المطار الحربى و جزء على أطراف سيوة و جزء كماين و جزء مسئول عن الملاحات جوه سيوة لإنها تتنقل منطقة تانية فى بعيدة عن سيوة ٤ ساعات و معتقدش ينفع أقول تفاصيل أكتر بس المنطقة دى كانت فى قلب الصحرا و تعتبر أطراف ليبيا و المنطقة دى مفيهاش شبكة، الشبكة فعليا بتقطع بعد ما بنبعد عن سيوة ٢٠ دقيقة فى الطريق ده. فى الأول اتوزعت كنت فى المطار الحربى مع كام عسكرى تانى عشان الجزء ده يعتبر لسه تابع للكتيبة بس مثلا بدل ما فى هناك ٦٠٠ عسكرى فى ١٥ عسكرى بس. و بعد ما قضيت شهر هناك بغض النظر عن التفاصيل و عارف اللى فى دماغكم إنه مطار يعنى عز بس فعليا هو كان أسوأ مكان من حيث ظروف القاعدة لكن للأمانة كان أريحهم نفسيا بعيد عن ا...

 قاصد أكتب القصة دى بالعامية عشان مش شايف إنها محتاجة فزلكة فى إنى أحكى حاجة حصلت معايا فعلاً, معلومة عالماشى انا قعدت فترة طويلة مبحكيش قصص أو تفاصيل عن الجيش من لسببين, عشان لما بفتكر الوقت ده بتكسف من نفسى من كتر العك اللى كنت عايش فيه و الحقيقة إن العك كان موجود من قبل كده بحبة حلوين لكن الجيش مع ظروفه القاسية بتطلع أسوأ ما فى الإنسان أو أحلى ما فيه لأن فى الوقت ده مفيش مبرر إنك تكون كويس و مش بقول إن ليك مبرر تكون وحش بس لو كنت وحش فانا بعذرك من خلال خبرتى يعنى, تانى سبب إنى زى ما قلت تجربتى كانت أقصى ما يكون و سايبة علامات جوايا كل ما بفتكرها بتوجع. بس دلوقتى انا قررت أحكى عن قصة من وسط قصص كتير. فاكر فى بداية جيشى فى مركز التدريب الموضوع كان صعب إنى أنعزل عن العالم و عن أهلى, انا أه سافرت قبل كده و إنعزلت عن أهلى بس كان فى زحمة فى يومى و أحداث لطيفة مخلية الموضوع مش أزمة لكن لما بقى الوضع غصب عنى و بقضى اليوم بطريقة أبعد ما يكون عن الحياة اللى متعود عليها كانت صعبة و مفيش موبايل, كل ده تمام ممكن أى حد دخل الجيش يكون عدى بيه و فكرة دخول الحمام من غير تفاصيل لكم أن تتخيلوا إنك...

 الكثيرون يقولون أن النسيان نعمة و للأمانة أتفق معهم فى كثير من الأحيان عندما يتعلق الأمر بالألم أو الفقد و لكنه ليس دائماً كذلك فبدون الألم لا تستطيع أن تدرك الكثير من النعم التى أنعم بها القدير علينا. نعم الألم كريه لأشد درجة و أتمنى أن ينتهى قريباً لكنى أعيش على رجاء ملكوت الله الذى سيملك للأبد و سيمسح كل دمعة و أمامه سيهرب كل حزن و تنهد و لن نملك فى ذلك الملكوت عندما نراه إلا أن نسجد و نفرح و نرقص عندما يجئ العريس و يملك للأبد. دعنى أدخل لصلب الموضوع, لقد كانت ليلة حزينة فى روما عندما قتل القائد العظيم بايلوس, لقد كان قائد حملة التطهير فى اليهودية منذ عدة سنوات و قتل على أيدى جماعة الغيورين و لكن أعطى الإله مارس "المريخ" القوة للجنود الأبطال على هؤلاء الجرذان الذين قتلوا أبى و حاولوا الهروب. حدث ذلك و انا أبلغ من العمر اثنى عشر عاماً, حينها صليت و طلبت من الإله أن يعطينى القوة و سألتزم أن أتدرب يومياً لأنتقم لدماء أبى, و بالفعل تمر الأعوام و ها انا أعود بعد سنوات إلى اليهودية بناء على أوامر القائد الأعلى يوليوس قيصر إلى يافا لأكون عينيه فى تلك البقعة من اليهودية. فى كل لي...

 حابب أوضح إن اللى هكتبه هو أحداث مش بترتيب تاريخى أو ترتيب أحداث لكن هى بترتيب مشاعر و أفكار بشوف بيها يسوع و بحبه من خلالها و الأحداث دى جزء منها فاتح جزء كبير لخيالى يعنى فى تفاصيل كتير مش مذكورة فى الكتاب المقدس و شوية من الأفكار دى inspired by مسلسل The Chosen. استيقظت مترنحاً إثر الخمر الذى شربته بالأمس و لا زال تأثيره يعبث بعقلى و جسدى مجهد بعد ليلة سعيدة فى وسط ليالٍ حزينة مستلقيا على أريكة بالفندق الذى اعتدت المكوث فيه فى كل ليلة أقضيها بالسامرة بعيداً عن هموم الحياة و العمل لألتقى بتلك الفتاة التى بإمكانها إسعاد أى رجل على وجه الكرة الأرضية التى تدعى "أشيرا" و بالفعل كانت اسم على مسمى فقد مات زوجها و نالت كل ممتلكاته و لكن من قال أن المال هو مصدر الغنى, البعض يقولون أن الحب و الطمأنينة هو مصدر الغنى, و انا أحببت أشيرا, أحببت كل تفاصيلها, أحببت لون شعرها البنى و تمويجته البسيطة. أحببت ملامحها, أحببت روح المغامرة التى تكمن بداخلها فكل لقاء بيننا هو مغامرة فى حد ذاته. أتذكر أول لقاء بيننا فى تلك الحانة الضيقة, كانت تلك الجميلة فى حالٍ يرثى له, كانت تضحك بشدة و تبكى بعد...

 هبتدى السلسلة دى بسؤال سألته لنفسى, هو ليه الله ميعلنش عن نفسه بوضوح اللى العقل البشرى يقدر يستوعبه و يقول هو ده الله فعلاً؟ بس الإجابة بالنسبالى إنه الله يعلن عن نفسه؟ ده مش حاجة العقل يقدر يقبلها؟ إزاى الله غير المحدود يفهمه الانسان المحدود و عقله محدود؟ لكن من بداية التاريخ الله كان بيعلن نفسه لآدم, و من بعدها لسلسلة طويلة من البشر بشكل شخصى لكن بطريقة يفهمها كل البشر يعنى مثلا من أيام إبراهيم لما راح مصر و حصل اللى حصل مع سارة و الله يعلن بطريقة واضحة إنه إله إبراهيم و سارة مراته و محدش يقربلها فيسيبوه يمشى و يغرقوه خير عشان إلهه ميغضبش عليهم, و لحد ما سارة تموت و ييجى يدفنها و يروح يشترى الأرض اللى هيدفنها فيها فأهل البلد يقولوله إحنا متباركين و غارقانين فى الخير بسببك و بسبب الإله اللى بتعبده. و من بعدها موسى فى مصر و هو بيخرج الشعب كان الله بيعلن للشعب و للمصريين هو مين, "فَيَعْرِفُ الْمِصْرِيُّونَ أَنِّي أَنَا الرَّبُّ حِينَمَا أَمُدُّ يَدِي عَلَى مِصْرَ وَأُخْرِجُ بَنِي إِسْرَائِيلَ مِنْ بَيْنِهِمْ»." و المصريين إعترفوا بالله حتى و هما مش بيعبدوه,  «نَهْرُبُ مِنْ إِ...